LK: Lyoni fiton bindshëm

Lyoni ka shkatërruar ekipin belg Anderlecht me rezultat 5-1 në ndeshjen e zhvilluar në Stade Gerland për të qenë një hap afër kualifikimit për në fazën e grupeve të Ligës së Kampionëve.

Vendasit siguruar fitoren që në pjesën e parë, kur shënuan katër gola. Miralem Pjanic hapi rezultatin për vendasit pas 10 minutash lojë, para se tre përforcimet e verës, Lisandro Lopez (penalti, 15’), Michel Bastos (39’) dhe Bafetimbi Gomis (42’), po ashtu të futen në listën e golashënuesve.

Matias Suarez ngushtoi disavantazhin e Anderlecht para se të bëhen një orë lojë (58’), por Gomis shënoi edhe golin e dytë të tij pas pesë minutash tjera (63’) për të siguruar fitoren e thellë të Lyonit.

Prej ndeshjeve tjera interesante, fitore ka shënuar edhe Atletico Madrid, duke mposhtur Panathinaikos me rezultat 3-2 në fushë mysafire.

Category: Futboll