NBA: Hawks në pozitën e dytë të Lindjes

Atlanta Hawks ka vazhduar befasitë duke mposhtur Boston Celtics me rezultat 100-91 në shtëpi, që është fitorja e katërt ndaj rivalit të Konferencës Lindore këtë sezon.
Joe Johnson shënoi 16 nga 27 pikët e tij në çerekun e fundit për të ndihmuar Hawks të tejkalojnë Celtics në garën për pozitën e dytë të Lindjes, menjëherë prapa Cleveland që vazhdon të mbetet lider.
Jamal Crawford shënoi 28 pikë për Atlantan. Paul Pierce udhëhoqi te Boston me pikët më të larta të sezonit, 35 pikë.

Category: Basketboll