Arsenali dhe City ndahen me barazim

Arsenali nuk ka mundur të nxjerrë më shumë se një pikë në ndeshjen si nikoqir i Manchester Cityt që përfundoi pa gola.
Barazimi e nxjerr Aresnalin edhe matematikisht jashtë garës për titull, derisa City dështoi të shfrytëzojë shansin pas disfatës së Tottenhamit për t’u rikthyer në pozitën e katërt të tabelës që dërgon në Ligën e Kampionëve.
Dita u bë edhe më e zymtë për menaxherin e Cityt, Roberto Mancini, kur 15 minuta para fundit të ndeshjes Shay Given u largua nga ndeshja për shkak të një dëmtimi serioz në kraharor që mund ta mbajë atë jashtë ndeshjes vendimtare ndaj Tottenhamit më 5 maj.

Category: Futboll