Sergio Ramos: Është gabim të dorëzohemi

Mbrojtësi i Real Madridit, Sergio Ramos, ka deklaruar se skuadra e tij do të bënte gabim të madh nëse do të mendonte të dorëzohej në garën për titullin e La Ligas, pasi që kanë mbetur edhe 21 pikë për të cilat duhet luftuar.
“Ne do të vazhdojmë të luftojmë, sepse do të ishte gabim të dorëzohemi për La Ligan. Ne do të luftojmë deri në fund. Ne nuk do ta lëmë dhe aq lehtë, pasi që kanë mbetur edhe 21 pikë për t’u fituar”.
“Ne nuk besojmë se pësuam disfatë pas golit të parë. Barcelona shfrytëzoi rastet dhe detajet e vogla bënë diferencën”, tha Sergio Ramos.

Category: Futboll