Gjermania nesër pa seleksionuesin?

Joachim Löw nuk e ka udhëhequr stërvitjen e sotme të Gjermanisë, pasi i ka përfunduar kontrata me Federatën e Futbollit të Gjermanisë (DFB). Löw është i lidhur me kontratë me DFB-në deri më 30 qershor, por pasi deri në atë datë nuk ka marrë kontratë të re, seleksionuesi gjerman ka vendosur të mos të shkojë në stërvitjen e të zgjedhurve të tij. “Nuk jam seleksionues dhe nuk e kam për obligim të paraqitem të stërvitjen e kombëtares”, tha Löw, duke i befasuar të gjithë gazetarët. “Pres që gjatë ditës të më lajmërohet dikush nga Federata që të nënshkruajmë kontratë të re”, ka thënë i qetë Löw, vetëm një ditë para ndeshjes me Argjentinën në çerekfinalen e Kampionatit Botëror. Ky veprim i Löwit theksohet se ka prishur atmosferën në ekipin gjerman, kurse cilat do të jenë pasojat më së miri do të shihet gjatë takimit të nesërm.

Category: Afrika e Jugut 2010