Owen: Mund të jem i rëndësishëm

Sulmuesi i Manchester United, Michael Owen, beson se ai mund të vazhdojë të luajë në nivelin më të lartë edhe për katër apo pesë sezone tjera.
“Unë jam 30 vjeçar dhe e kuptoj se nuk do luaj në çdo ndeshje. Unë kam pasur shumë lëndime dhe nuk e kam shpejtësinë që e kam pasur ndonjëherë. Por, jeta zhvillohet. Unë kam ndryshuar stilin tim, tani jam një tip tjetër lojtari dhe për shkak të kësaj, unë them se kam edhe katër ose pesë vite në maje”.
“Do të preferoja të isha te United, ku stërvitem çdo ditë me disa prej lojtarëve më të mirë në botë. Ku çdo ditë punoj me trajnerin më të mirë të të gjitha kohërave. Ku luaj përpara këtyre tifozëve të mrekullueshëm në një stadium fantastik si Old Trafford. Jam vërtet i lumtur që tani jetoj përsëri në shtëpi pas pesë vitesh në mërgim”, deklaroi Owen.

Category: Futboll