Messi i ngazëllyer që ka mposhtur Spanjën

Ylli i Barcelonës, Lionel Messi është i lumtur pasi Argjentina ka mposhtur kampionin në fuqi, Spanjën, në miqësoren e mbrëmshme të zhvilluar në Buenos Aires.
Lojtari më i mirë në botë shënoi pas vetëm 10 minutash lojë pas një gafe të portierit Pepe Reina, para se Gonzalo Higuain dhe Carlos Tevez t´i japin avantazhin 3-0 Argjentinës që në pjesë të parë. Fernando Llorente shënoi golin e vetëm për spanjollët gjashtë minuta para fundit të ndeshjes, para se Kun Aguero të vulosë fitoren e thellë prej 4-1 të amerikano-jugorëve.
"Është e vërtetë se të mposhtësh kampionin në fuqi ju bën të lumtur. Ne kemi vuajtur shumë nga zemërimi dhe të rilidhemi me fansat në këtë ndeshje ishte shumë e këndshme. Jam i lumtur për fitoren", ka thënë Messi për AS.

Category: Futboll