Rosicky i dëshpëruar pas penaltisë së dështuar

KEK-u ka shënuar fitore të merituar me rezultat 3-0 si nikoqir i Flamurtarit në ndeshjen e javës së shtatë të Raiffeisen Superligës së Kosovës, duke marrë edhe kreun e tabelës.
Vendasit dominuan gjatë gjithë ndeshjes duke krijuar një mori rastesh në të dy pjesët, tre prej të cilave edhe u shndërruan në gola.
Goli i parë për KEK-un erdhi pas katër minutash lojë me anë të Florim Berbatovcit, që ishte edhe i vetmi gol i pjesës së parë të ndeshjes.
Pjesa e dytë po ashtu solli një lojë më sulmuese të ekipit vendas, e që rezultoi me dy gola të tjerë. Së pari Krenar Kosumi dyfishoi epërsinë pas gati një ore lojë (59), para se, pas një harkimi të Petrit Preniqit, Naim Kodraliu të vulosë fitoren prej 3-0 të ekipit vendas (89').
Me tre pikët e reja, KEK-u ngjitet në maje të tabelës me 14 pikë, një më shumë se Prishtina, e cila nesër do të ketë rastin të rikthehet në maje, nëse shënon fitore në fushë nikoqire ndaj Drenicës.
Takimi tjetër i sotëm i Superligës së Kosovës, ai mes Lirisë dhe Trepçës i zhvilluar në Prizren, ka përfunduar pa gola.

Category: Futboll