Ujfalusi të dënohet me 12 ndeshje moslojë?
Mbrojtësi i Atletico Madridit, Tomas Ujfalusi, mund të dënohet me 12 ndeshje moslojë, pas startit të ashpër ndaj superyllit të Barcelonës, Lionel Messi, në sfidën e fundjavës së kaluar.
“Ujfalusi erdhi nga largësia dhe e goditi në nyje kundërshtarin e tij, pa mundësi për të luajtur në top. Lojtarit iu nevojit ndihma mjekësore dhe është dashur të zëvëndësohej”, theksoi raporti i gjyqtarit kryesor të takimit Atletico – Barcelona.
Sipas rregulloreve të La Ligas, dënimi më i vogël për Ujfalusin mund të jetë me tri ndeshje moslojë, por sipas të gjitha gjasave ai do të marrë maksimumin e dënimit, 12 ndeshje moslojë.
Ujfalusi ka kërkuar falje për incidentin, por komisioni disiplinor i Federatës Spanjolle të Futbollit do të mblidhet sot, për të marrë një vendim për mbrojtësin.
Category: Futboll
0 Komente