Derbi anglez për Stekelenburg?

Ajaxi do të kënaqet duke parë derbin e dy gjigantëve të Ligës Premier, Manchester United dhe Arsenal, të cilët do të luftojnë për firmën e portierit, Maarten Stekelenburg.
Thuhet se Ajaxi do ta lë Stekelenburgun të largohet, por tani do të varet se kush do të ofrojë më shumë. Edhe United edhe Arsenal kanë dërguar agjentët e tyre për t’u interesuar për portierin holandez, një gjë kjo që konfirmohet nga burimet e afërta me klubin holandez.
“Ata janë duke e shikuar atë për së afërmi që një kohë të gjatë. Ajaxi është duke pritur oferta për lojtarin në janar, por ai është një portier i klasit të lartë dhe nuk është i lirë. Ne e pranojmë se ai do të dëshironte t’u bashkohej skuadrave në fjalë dhe se dëshiron të luajë në Ligën Premier”, thanë burimet për Goal.com.

Category: Futboll