Diarra i gatshëm të largohet nga Reali

Mesfushori i Real Madridit, Lassana Diarra, ka lënë në alarm transferimi disa prej klubeve të Ligës Premier.
Ish-mesfushori i Portsmouth, aktualisht pjesë kampit stërvitor të Francës për kualifikime për Euro 2012 kundër Rumanisë dhe Luksemburgut, mohoi spekulimet për largim nga Reali muajin e kaluar. Por tash ai e ka bërë të qartë se dëshiron më shumë kohë për lojë, ose mund të largohet.
“Unë luaj vetëm një herë në çdo dy ndeshje. Sigurisht se dua të luaj më shumë dhe nuk jam i kënaqur, do të marr vendime. Nuk jam në Real për të parë ndeshje. Dua të luaj”, ka thënë Diarra.
Manchester United mendohet se është në mesin e ekipeve që planifikon të bëjë ofertë për mesfushorin që në janar.

Category: Futboll