Rossi i kënaqur me formën personale

Sulmuesi i Villarrealit, Giuseppe Rossi, është i kënaqur me formën e tij të cilën e gëzon së fundi.
Goli i Rossit në barazimin 1-1 ndaj Valencias ishte i teti i tij në La Liga këtë sezon dhe italiani është në rrugë për të pasur sezonin e tij më të mirë në karrierë, pasi suksesi i tij më i madh së fundi ishte para dy vitesh kur shënoi 12 gola për ekipin spanjoll.
“Ndjehem mirë, jam i lumtur në fushë dhe këtë sezon gjithçka po shkon në mënyrë të përkryer”, ka thënë 23-vjeçari për uebfaqen e klubit.

Category: Futboll