Vucinic: Kriza e Romës ka mbaruar

Mirko Vucinic është i ngazëllyer që ishte në listën e shënuesve të Romës në fitoren ndaj Lazios.
Giallorossët mposhtën liderët e Serie A me rezultat 2-0 falë penaltive të shndërruara në gola nga Marco Borriello dhe Vucinic.
“Ne po ia dalim mirë për tashmë një kohë dhe gjëja më e rëndësishme është të qëndrojmë në këtë rrugë. Shpresoj se kjo mund të jetë një fitore e cila do t’i japë Romës një shtytje, veçanërisht pasi ishte derbi”.
“Duke marrë parasysh se kjo ishte fitorja e tretë e jona dhe ne fituam në Basel në mesjavë, unë mund të them se kriza e Romës ka përfunduar”, ka thënë Vucinic.

Category: Futboll