Allegri flet për Romën, Cassanon dhe Tottenhamin

Bosi i Milanit, Massimiliano Allegri, thotë se Tottenhami mund të mposhtet në Ligën e Kampionëve, ndërsa mban syrin te Roma dhe Antonio Cassano.
“Tottenhami është ekip i shkëlqyer, por nëse shohim se me çfarë ekipe kemi mundur të përballemi, atëherë Tottenhami është më i lehti. Sidoqoftë, në fazën e 1/8-ës së finales të gjitha ekipet janë të rëndësishme”.
“Cassano? Kam biseduar me Gallianin këtë mëngjes, por situata nuk është definuar. Ne do të flasim gjatë afatit kalimtar dimëror. Cassano ende nuk është lojtar i Milanit”.
“Roma? Ata dëshirojnë fitoren të shtunën, por edhe për ne kjo është me rëndësi. Teknikisht Roma është një prej top tre ekipeve në Itali dhe ne duhet t’i qasemi asaj me seriozitet”, potencoi Allegri.

Category: Futboll