Dzeko nuk largohet në janar

Sulmuesi i Wolfsburgut, Edin Dzeko, ka përjashtuar mundësinë e largimit nga klubi i Bundesligës në afatin kalimtar të janarit.
24-vjeçari boshnjak është duke u monitoruar nga Manchester City që dëshiron ta sjellë atë në Eastlands në afatin kalimtar dimëror, por ai thotë se do të qëndrojë në Volkswagen Arena edhe gjatë vitit 2011.
“Kjo i takon Wolfsburgut. Por për momentin duket sikur do të mbetem. Nuk dua që dikush të krijojë përshtypje të gabuara: Shumë më pëlqen të luaj për Wolfsburg. Por po ashtu kam një ëndërr. Dua të luaj në Ligën e Kampionëve çdo vit”, ka thënë Dzeko.

Category: Futboll