Van der Vaart: Arsenali s’ka shanse kundër Barcës

Rafael van der Vaart ka tallur fansat e Arsenalit duke deklaruar se ata nuk kanë shans të fitojnë në Ligën e Kampionëve ndaj Barcelonës.
Holandezi, i cili verën e kaluar erdhi nga Real Madridi, është i bindur se Arsenali nuk ka asnjë gjasë të eliminojë Barcelonën në kuadër të Ligës së Kampionëve, kur dy ekipet takohen muajin e ardhshëm në kuadër të fazës së parë të eliminimit direkt.
“Barcelona do të fitojë sigurisht, si vitin e kaluar. Arsenali është i fuqishëm, por Barcelona është në një nivel tjetër”, ka thënë holandezi, i pyetur rreth këtij derbi.
Mesfushori i Tottenhamit së fundi pati deklaruar se kurrë nuk do të veshë fanellën e Arsenalit, që do të ishte një mosrespekt ndaj fansave të klubit aktual.

Category: Futboll