Anigo: Në LP flasin paratë

Shumëkush e konsideron Ligën Premier si më të fortën në botë, mirëpo drejtori sportiv i Olympique de Marseille, Jose Anigo, nuk është i impresionuar nga futbolli anglez dhe thotë se atje vlejnë vetëm paratë.
“Duhet ta ndërpresim fiksimin për Ligën Premier. Ata kanë skuadra të mëdha, si Manchester Unitedi dhe Chelsea, mirëpo pas tyre janë ekipet, si Sunderland dhe Wolves”.
“Në esencë, është aspekti financiar i lojës që dominon në Angli, jo projekti sportiv”.
“Unë shoh njëzetvjeçarë që ende nuk janë dëshmuar në Francë të largohen nga vendi drejt klubeve angleze. E sheh dikë si Stephane Sessegnon të nënshkruajë për Sunderlandin, edhe pse niveli në Paris Saint-Germain është shumë më i mirë”, ka thënë Anigo për AFP.
Nga ana tjetër, ai ka lëvduar punën e trajnerit Arsene Wenger, duke thënë se Arsenali mund të shërbejë si shembull për ndërtimin e skuadrës te Marseille.

Category: Futboll