Kaka nuk largohet nga Reali

Këshilltari i transferimeve, Ernesto Bronzetti, ka deklaruar se ylli i Real Madridit, Ricardo Kaka, nuk do të largohet nga Los Blancos në fund të sezonit.
El Mundo Deportivo të hënën ka shkruar se presidenti i Realit, Florentino Perez, dëshiron ta shesë yllin brazilian në qershor, mirëpo Bronzetti, i cili është i afërt me Realin dhe Milanin, thotë se kjo nuk do të ndodhë.
“Nuk ka asnjë mundësi që Kaka të largohet nga Madridi. Florentino Perez më ka siguruar se ish-lojtari i Milanit është njëri nga transferet që e bën krenar”, ka thënë Bronzetti për Ilsussidiario.net.

Category: Futboll