Lampard krenar që do ta bartë shiritin e kapitenit

Mesfushori i Chelseat, Frank Lampard, ka deklaruar se të qenit kapiten i Anglisë është një nga momentet më krenare të karrierës së tij.
Të mërkurën mbrëma Tre Luanët do të zhvillojnë një ndeshje miqësore kundër Danimarkës, ndërsa pas lëndimeve të Rio Ferdinand dhe Steven Gerrard, trajneri i Anglisë, Fabio Capello, konfirmoi se Lampard do të jetë kapiten i përfaqësueses së tij, ndërsa kjo është hera e parë në karrierën e mesfushorit.
“Jam shumë krenar. Jam në përfaqësuese qe një kohë të gjatë dhe ndihem si një nga të vjetrit në skuadër”.
“Kam pritur me durim dhe do të jetë një nga momentet më krenare të karrierës sime që të udhëheq djemtë”, u ka thënë Lampard gazetarëve.

Category: Futboll