Van Gaal kritikon stilin e lojës së Interit

Menaxheri i Bayern Munichut, Louis van Gaal, ka kritikuar stilin e lojës së rivalit të radhës në Ligën e Kampionëve dhe kampionit në fuqi të kësaj gare, Interit.
Finalja e vitit të kaluar do të përsëritet kësaj here në 1/8-tën e finales së garës evropiane me ndeshjen e parë që zhvillohet sonte në Giuseppe Meazza.
“Deri tash nuk e kam parë Interin të luajë në një mënyrë tjetër. Kushdo që e ka parë finalen e di mirë se çfarë ndodhi. Është e mjaftueshme të shikosh Interin të luajë çdo javë për të kuptuar se ata janë një ekip defensiv”.
“Edhe kundër Cagliarit ata i mbyllën gjërat pa bërë asgjë të sulmojnë kundërshtarin. Do të shihni se trajneri dhe klubi kanë vendosur të luajnë në këtë mënyrë. Në vend të kësaj mua më pëlqen të ofroj një lloj më atraktiv të futbollit për fansat”, ka thënë van Gaal.

Category: Futboll