Alonso: Ja pse u largova nga Liverpooli

Mesfushori i Real Madridit, Xabi Alonso ka pranuar se tentimet e Liverpoolit për ta transferuar Gareth Barryn ishte arsyeja e largimit të tij nga Anfield.
“Në fund të sezonit 2007/2008, duke folur me Rafa Benitezin, ai ma tregoi situatën dhe se ata ishin në kërkim të një lojtari, ndërsa unë do të mund të isha zëvëndësues”.
“Nëse do të vinte ndonjë ofertë, do të shitesha. Kështu i thashë edhe vetes kur e kuptova se jam shndërruar nga një lojtar shumë i rëndësishëm në një lojtar që shitet për të sjellur të tjerë”.
“Me të mbaruar sezoni, unë bisedova me menaxherin. Unë e kam ditur se Real Madridi po më kërkonte dhe pranova transferimin nëse më përshtatej kontrata”, deklaroi Alonso.

Category: Futboll