Bale: Redknapp të qëndrojë

Asi i Tottenhamit, Gareth Bale, i ka sugjeruar klubit që të bëjë gjithçka për ta mbajtur në ekip menaxherin Harry Redknapp, i cili besohet të jetë nën shënjestrën e Chelseat.
“Definitivisht, unë dua që ai të qëndrojë. Që nga koha kur kam qenë në klub ne kemi pasur tri menaxherë dhe është mirë që e kemi Rednapp këtu, pasi ai solli stabilitet”.
“Ne jemi mësuar me të, me mënyrën se si ai menaxhon dhe se si ai dëshiron që ne të luajmë. Askush nuk dëshiron që ai të largohet dhe jam i sigurt se ne mund ta mbajmë atë në klub”, u shpreh Bale.

Category: Futboll