Pellegrini cak i Chelseat

Menaxheri i Malagas, Manuel Pellegrini, është bërë cak për detyrën e zbrazët të menaxherit të Chelseat.
Kiliani 57-vjeçar, i cili më herët kishte drejtuar edhe Real Madridin dhe Villarrealin, është një person të cilin Blutë po e vëzhgojnë, pas shkarkimit të Carlo Ancelottit gjatë vikendit
Agjenti i Pellegrinit, Jesus Martinez, ka thënë për radion kiliane Cooperativa, se klienti i tij është një për të cilin interesohet klubi anglez.
“Është e qartë për klubet pa trajner, si Chelsea, që përmes ndërmjetësuesve të fillojnë të pyesin për Pellegrinin, por ai është shumë komfort te Malaga dhe ka kontratë. Ai ka dhënë shumë mund te Malaga dhe është i kënaqur dhe i ngazëllyer të punojë me ekipin”, ka thënë agjenti.

Category: Futboll