Mourinho krenar me fitoren ndaj Ajaxit

Trajneri i Real Madridit, Jose Mourinho është shprehur krenar me ekipin e tij pas fitores prej 3-0 ndaj Ajaxit në Amsterdam Arena.
“Kjo ndeshje tregoi se ne plotësisht respektojmë atë për çka Reali është klubi më i madh në futboll, ne respektojmë profesionin tonë dhe luajmë seriozisht. Ne nuk ishim të interesuar se kush do të kualifikohet pas nesh, Lyoni apo Ajaxi”.

“Ne luajtëm lojën tonë dhe për mendimin tim luajtëm shkëlqyeshëm në pjesën e parë. Në pjesën e dytë nuk luajtëm aq mirë, por kishte shumë lojtarë të pushuar. Ne u mbrojtëm mirë dhe fitorja është gjithmonë e rëndësishme. Askush nuk u lëndua, as ata lojtarë që nuk luajnë rregullisht. Ne jemi një grup shumë i bashkuar”, deklaroi Mourinho para El Clasicos së 10 dhjetorit.

Category: Futboll