Redknapp: United dhe City nuk janë për EL

Bosi i Tottenhamit, Harry Redknapp mendon se Manchester United dhe Manchester City nuk duhet të marrin pjesë në Europa League, për shkak të nivelit të ulët.
“Të jem i sinqertë, vërtet nuk e di se si mund të shkoni nga Liga e Kampionëve në Europa League. A kaloni vërtet? Nëse eliminoheni atëherë jeni jashtë, sigurisht. Nëse shkoni në një garë dhe mposhteni, atëherë jeni eliminuar. Çfarë po bëni nëse shkoni në një garë tjetër?”.

“Nëse eliminohemi nga FA Cup, do të ishte mirë që të transferoheshim në gjysmëfinalen e Carling Cup apo ashtu diçka. Është e pabesueshme. Unë vërtet nuk e kuptoj këtë. Vërtet nuk e di se si City dhe United pranuan të kalojnë në Europa League”, u shpreh Redknapp.

Category: Futboll