Vidic mungon gjithë sezonin

Kapiteni i Manchester United, Nemanja Vidic, do të mungojë gjatë gjithë sezonit për shkak të lëndimit në gju, ka konfirmuar Sir Alex Ferguson.
Vidic u lëndua gjatë disfatës 2-1 në Basel në mesjavë, ndeshje që rezultoi me eliminim të Djajve të Kuq nga Liga e Kampionëve.

“Ne mendojmë se është një lëndim i rëndë, ai do të jetë jashtë për gjithë sezonin. Nuk është se ka qenë e papritur, por është një lajm i keq”.

“Ai do të shohë një specialist të hënën për të caktuar datën e operimit. Nuk do të jetë i menjëhershëm pasi te pjesa e dëmtuar duhet të largohet ënjtja”, ka thënë skocezi.

Category: Futboll