Maradona: Napoli, gjithmonë në zemrën time

Trajneri i Al Wasl, Diego Maradona, ka deklaruar se Napoli do të jetë gjithmonë në zemrën e tij.
Ikona e futbollit botëror ka luajtur në Stadio San Paolo gjatë viteve 1984-1991, duke i ndihmuar napolitanët që të fitojnë dy tituj të Serie A, një titull të Kupës së Italisë dhe një të UEFA-s.

“Argjentina dhe Napoli janë dy skuadra që do të jenë gjithmonë në zemrën time”.

“Napoli po luan shumë mirë. Qyteti meriton një ekip të jashtëzakonshëm si skuadra aktuale. Ndoshta duhet të bëjnë disa përforcime në mbrojtje, por ata po luajnë shumë mirë”.

“Asnjëherë nuk do të harroj për Napolin. Vet qyteti dhe njerëzit meritojnë një ekip të shkëlqyer”, ka deklaruar Maradona për Ansa.

Category: Futboll