Ibra suspendohet për tri ndeshje

Sulmuesi i Milanit, Zlatan Ibrahimovic, është suspenduar për tri ndeshje, për shkak të sjelljes josportive në ndeshjen ndaj Napolit.
Sulmuesi suedez e goditi Salvatore Aronican në takimin e të dielës, me ç’rast u përjashtua me karton të kuq.

Të hënën paneli disiplinor i Lega Calcio mori vendim që ta dënojë atë me tri ndeshje moslojë.

Kjo do të thotë se ai do të mungojë ndaj Udineses, Cesenas dhe Juventusit.

Category: Futboll