Bielsa: Raul ndër më të mirët në histori

Trajneri i Athletic Bilbao, Marcelo Bielsa, ka lavdëruar sulmuesin e Schalke, Raul, në prag të ndeshjes së sotme në Gelsenkirchen në mes të dy skuadrave në kuadër të çerekfinales të Europa League.

“Schalke ka një sulm të fuqishëm. Klaas-Jan Huntelaar tregon se çfarë është në gjendje të bëjë çdo javë, dhe çfarë mund të thoni për Raul? Ai është një prej lojtarëve më të mirë të të gjitha kohërave”.

“Megjithatë, kundër Manchester United ne arritëm të heshtim një sulm të fuqishëm, andaj pse nuk mund ta bëjmë atë sërish? Ajo çfarë është e rëndësishme është që ne të mos shkojmë drejt në grackë. Ne duhet të shmangim këtë me çdo çmim”, ka thënë Bielsa.

Category: Futboll