Barca deklason Vallecanon

Barcelona ka triumfuar me rezultat prej 7-0 si mysafir i Rayo Vallecanos në takimin e zhvilluar të dielën mbrëma në Estadio de Vallecas Teresa Rivero.
Serinë e golave e filloi Lionel Messi (16’), ndërsa me një autogol të Roberto Correa u dyfishua epërsia e katalunasve.

Rezultatin e pjesës së parë e vendosi Seydou Keita, pas një asistimi mbresëlënës të Messit (39’).

Në minutat e para të gjysmës së dytë (47’), Pedro Rodriguez e ngriti edhe më shumë epërsinë e mysafirëve, ndërsa merita për këtë gol ishte e Alexis dhe Messi.

Thiago Alcantara e shënoi golin e pestë (77’), derisa Pedro me golin e dytë personal shënoi për setin e parë (87’), ndërsa sërish asistues ishte numri dhjetë.

Ai që e hapi takimin edhe e mbylli atë. Lionel Messi u barazua në listën e golashënuesve me Cristiano Ronaldon. Dy superyjet e futbollit evropian kanë nga 43 gola të shënuar në La Liga këtë edicion.

Barcelona mbetet shtatë pikë prapa Real Madridit që po shkon sigurt drejt titullit të Spanjës këtë sezon

Category: Futboll