Hodgson kandidat për ta drejtuar Anglinë

West Bromwich Albion i ka dhënë leje Roy Hodgsonit që të bisedojë me Federatën angleze të futbollit rreth postit të trajnerit të Tre Luanëve.

Kryesuesi i FA, David Bernstein, përmes një komunikate për media ka bërë të ditur se Hodgson është i vetmi që është kontaktuar për këtë pozitë, edhe pse është menduar se trajneri i Tottenhamit, Harry Redknapp, është kandidati kryesor.

Në nivel përfaqësuesesh, 64-vjeçari e ka drejtuar Zvicrën, Emiratet e Bashkuara Arabe dhe Finlandën, ndërsa në të kaluarën ka qenë trajner i klubeve, si Inter, Udinese, Fulham e Liverpool.

Category: Futboll