Ferdinand: Përvoja, e rëndësishme në garën për titull

Mbrojtësi i Manchester United, Rio Ferdinand, thotë se përvoja e tyre ka qenë kyçe në garën për titullin e Ligës Premier.
Manchester United shënoi fitore 2-0 të dielën ndaj QPR derisa rivali tjetër për titull, Manchester City, u mposht 1-0 nga Arsenali, që bëri që Djajtë e Kuq të krijojnë tetë pikë avantazh në krye të tabelës.

“Të kesh përvojën e titullit është gjë e madhe. Ne kemi qenë në pozitë të tillë më herët, andaj mund të llogarisim shumë në këtë”.

“Ne e dimë se çfarë duhet për të përfunduar të parët dhe duhet ta shfrytëzojmë këtë përvojë sërish”, ka thënë Ferdinand për Sky Sports 1.

Category: Futboll