Pedro: Ende jemi e njëjta Barcelonë

Pedro Rodriguez thotë se fitorja 7-0 ndaj Rayo Vallecano ishte për t’ua kujtuar atyre që kanë harruar se klubi nuk është i harxhuar dhe do të vazhdojë të forcohet vazhdimisht.

Blaugranët kaluan një javë për t’u harruar pasi u mposhtën nga Real Madridi në El Clasicon e vikendit të kaluar duke u eliminuar nga gara për titull, dhe më pas u eliminuan nga Liga e Kampionëve nga Chelsea.

Më pas Pep Guardiola konfirmoi largimin e tij në fund të sezonit, që vetëm sa shtoi dyshimet se periudha e dominimit të Barcelonës ishte afër fundit. Por Pedro thotë se fitorja e mbrëmshme ishte dëshmi për të kundërtën.

“Pas një javë, ne ende jemi ca të zemëruar për eliminimin nga Liga e Kampionëve dhe ndeshjen kundër Real Madridit, por kjo fitore ka treguar se skuadra ende shfaq fuqi dhe entuziazëm. Ne po luajmë me ritëm dhe vetëbesim sërish. Jam i lumtur për rezultatin”, ka thënë Pedro.

Category: Futboll