Tjetër humbje e Liverpoolit

Newcastle United ka shënuar fitore me rezultat prej 2-0 ndaj Liverpoolit në shtëpi, duke e thelluar kështu krizën e klubit nga Anfield.
Liverpooli e dominoi në tërësi pjesën e parë, por nuk arriti të gjejë rrugën e golit. Këtë e bëri Papis Cisse, i cili realizoi për 1-0 (19') me asistimin e Hatem Ben Arfas.

Në pjesën e dytë Liverpooli përsëri kërkon portën dhe sulmuesit e The Reds lëshojnë disa raste të volitshme. Por, ishte përsëri Papis Cisse ai që u tregua vendimtar, duke realizuar për 2-0 dhe fitoren e madhe të Newcastle.

Gjithë ajo që Liverpooli bëri ishte një karton i kuq për portierin Pepe Reina shtatë minuta pa përfunduar takimi (83').

Me këtë disfatë, Liverpooli mbetet në vendin e tetë me 42 pikë, kurse Newcastle United ka 53 pikë në vendin e gjashtë, po aq sa ka dhe Chelsea në vendin e pestë.

Category: Futboll