Zyrtare: Podolski lojtar i Arsenalit

Sulmuesi i Kolnit, Lukas Podolski, do t’i bashkohet Arsenalit gjatë verës për një shumë të pazbuluar, ka konfirmuar klubi anglez përmes ueb faqes zyrtare.

“Arsenal FC është i ngazëllyer të zbulojë se ka arritur marrëveshje për të nënshkruar me sulmuesin gjerman Lukas Podolski me kontratë afatgjate për një shumë të pazbuluar”.

“Sulmuesi i lindur në Poloni do t’u bashkohet Topçinjve gjatë verës para fillimit të sezonit 2012/13 nga skuadra e Bundesligës, FC Cologne, ku ai ka qenë në një formë të shkëlqyeshme këtë sezon, duke shënuar 18 gola në 28 paraqitje në ligë”, thuhet në deklaratën e klubit londinez.

Podolski bëri debutimin e parë si profesionit te Kolni në vitin 2003, ku pas tre sezonesh të suksesshme u transferua te Bayern Munich në vitin 2006. Pas tre sezonesh ai u rikthye te Kolni në vitin 2009 dhe nga sezoni i ardhshëm do ta sfidojë veten në Ligën Premier.

Category: Futboll