Benayoun: Jemi varur shumë nga Van Persie

Yossi Benayoun thotë se Arsenali ka qenë tepër i varur nga golat e kapitenit Robin Van Perise gjatë këtij sezoni.
Holandezi shënoi golin e tij të 28-të në ligë gjatë të shtunës në barazimin 1-1 ndaj Stoke Cityt dhe ka shënuar po thuajse gjysmën e 66 golave që Topçinjtë kanë shënuar këtë sezon.

“Ne kemi edhe dy ndeshje të mbetura dhe e pranoj se ne kemi qenë tepër të varur nga ai në aspekt të golave të shënuar, por kjo është vështirë të ndryshohet tash në fund të sezonit”, ka thënë izraeliti.

“Unë kam qenë me fat që kam luajtur me disa prej sulmuesve më të mirë në karrierën time dhe Robin për momentin është një prej më të mirëve në botë”.

“Ishte e njëjta kur isha me Fernando (Torres) dhe ai shpërthente te Liverpooli, duke shënuar shumë gola. Për mua ata janë në të njëjtin nivel – dy prej sulmuesve më të mirë në botë”, ka shtuar Benayoun.

Category: Futboll