VdS: Titullin e fiton United

Ish-portieri i Manchester Unitedit, Edwin van der Sar, beson se Djajtë e Kuq do të shpallen kampionë të Ligës Premier këtë sezon.

Një fitore e Cityt në derbin e të hënës mbrëma do t’ia merrte kreun Unitedit falë golaverazhit, mirëpo çdo rezultat tjetër shkon në favor të ekipit nga Old Trafford.

“Kam luajtur gjashtë vjet te United dhe zemra ime është akoma ‘e kuqe’. Shpresoj që ata ta marrin rezultatin e duhur dhe ta mbrojnë titullin”.

“Kam besim te të gjithë lojtarët, sidomos tek ata me përvojë, si Rio, Wayne, Giggs, Scholes dhe Evra”, ka deklaruar holandezi.

Category: Futboll