76ers nuk dorëzohen

Philadelphia 76ers ka nxjerrë fitore 82-75 ndaj Boston Celtics për të çuar sfidën gjysmëfinale të Konferencës Lindore në ndeshjen e shtatë, e cila do të jetë vendimtare në përcaktimin e finalistit.

Jrue Holiday ishte lideri me 20 pikë të shënuara, derisa Elton Brand shënoi 13 pikë dhe 10 kërcime për skuadrën fituese, që është në rrugë për të bërë befasinë e radhës pasi eliminoi Chicago Bulls në rundin e parë të playoffit.

Te Boston, Paul Pierce shënoi 24 pikë dhe 10 kërcime, derisa Kevin Garnett kontribuoi me 20 pikë dhe 11 kërcime. Ndeshja e shtatë mes dy skuadrave zhvillohet të shtunën në Boston.

Category: Basketboll