Alonso: Duhet të jemi të përkryer në Euro

Spanja niset në Euro 2012 si favorit për të fituar garën, pasi ka fituar edicionin e kaluar të saj si edhe Botërorin e vitit 2010. Por Alonso mendon se ky trofe do të jetë shumë më i vështirë se dy të kaluarit.

“Po bëhet gjithnjë e më vështirë të vazhdojmë të fitojmë. Ne kemi një skuadër të mirë, kemi përvojë, por po ashtu ka edhe skuadra të tjera të cilat janë mirë të përgatitura dhe janë shumë të etura për fitore”.

“Mendoj se do të jetë edhe më vështirë se në Euro 2008 dhe Kupën Botërore 2010, pasi ne do të duhet të jemi po thuajse të përkryer për ta fituar titullin”, ka thënë Alonso për GQ.