Ferguson: City është favorit

Menaxheri i Manchester United, Sir Alex Ferguson, ka hedhur poshtë supozimet e Roberto Mancinit se Manchester City ende është dytësor ndaj Djajve të Kuq në garën për titull.

Skocezi beson se diferenca prej tetë golash është një favor shumë i madh për Cityn, për të hedhur poshtë mendimet e Mancinit.

“Çfarë mendoni ju? Ata kanë dy ndeshje të mbetura. Nëse ata i fitojnë të dy ndeshjet do ta fitojnë ligën”.

“Njerëzit flasin për diferencën e golave, por kjo varet se sa do të fitojnë ata. Le të themi se ata fitojnë 3-0 të dielën, avantazhi i tyre do të jetë 11 dhe ata ende duhet të luajnë ndaj QPR në shtëpi. Do të ishte e pamundur (të shënojmë kaq shumë gola)”, ka thënë Ferguson.

Category: Futboll