Heat mposhtin Celtics në kohën shtesë

Miami Heat i ka bërë ballë një performance të shkëlqyeshme të Rajon Rando, për të shënuar fitore 115-111 në kohën shtesë ndaj Boston Celtics dhe për të marrë avantazhin 2-0 në finalet e Konferencës Lindore.

Rando shënoi plot 44 pikë, bëri 10 asistime dhe tetë kërcime gjatë 53 minutave në fushë, në një ndeshje mjaft argëtuese, por mbeti pa partnerin e tij Paul Pierce (21 pikë) në kohën shtesë dhe vendimtare, pasi ky i fundit u suspendua për shkak të faulleve.

Miami i dha fund çerekut të dytë me një avantazh 53-46, ndërsa në fund të çerekut të tretë kishte avantazhin 81-75. Por kur publiku priti fitoren e skuadrës vendase, mysafirët morën guximin për të barazuar ndeshjen 99-99, dhe për të çuar në lojën shtesë, e cila megjithatë i takoi sërish Miamit.

LeBron James ishte më i spikaturi te skuadra vendase me 34 pikë të shënuara. Ndeshja e tertë zhvillohet të premten kur sfida për dy ndeshjet e radhës do të zhvendoset në Boston.

Category: Basketboll