Di Maria: Mund ta mposhtim Barcën kurdo
Anësori i Real Madridit, Angel di Maria, thotë se sezonin e kaluar ata e kanë thyer barrierën psikologjike që kishin ndaj Barcelonës.
Tash që madrilenët e kanë rikthyer titullin e La Ligës, Di Maria thotë se Reali ka epërsinë ndaj Barcelonës.
“Mendoj se pasi fituam Ligën dhe mposhtëm Barcën në Nou Camp, ne kemi edhe më shumë vetëbesim. Tash ne e dimë se mund ta fitojmë çdo ndeshje kundër Barcelonës”.
“Me largimin e Guardiolës, nuk mendoj se ata do të ndryshojnë shumë, pasi Tito do ta vazhdojë punën e Guardiolës. Ne duhet të vazhdojmë të kryejmë punën tonë dhe mendoj se këtë vit ia dolëm vërtet mirë”, ka thënë Di Maria.
Category: Futboll
0 Komente