Këpuca e Artë i takon Lionel Messit

Superylli i Barcelonës, Lionel Messi, e ka fituar Këpucën e Artë evropiane si golashënuesi më i mirë i kontinentit.

Argjentinasi ka vënë rekord të ri me 50 gola të shënuar në një edicion në La Liga, ndërsa menjëherë pas tij gjendet rivali kryesor, Cristiano Ronaldo, i cili la shënuar 46 gola këtë sezon me Real Madridin.

Sulmuesi i Arsenalit, Robin van Persie, renditet i treti me 30 gola të realizuar në Ligën Premier, ndërsa Klaas-Jan Huntelaar (29) dhe Zlatan Ibrahimovic (28) përmbyllin pesë pozitat e parë.

Ibracadabra është lojtari i parë që e fiton çmimin ‘capocannoniere’ (golashënuesi më i mirë në Serie A) me dy klube të ndryshme.

Category: Futboll