Ribery: Chelsea është taktikisht më e mirë se Barca

Anësori i Bayern Munichut, Franck Ribery, e konsideron Chelsean si skuadër më të fuqishme se Barcelona në aspektin taktik.

Të shtunën bavarezët zhvillojnë finalen e Ligës së Kampionëve kundër Bluve, të cilët në gjysmëfinale i eliminuan pikërisht Blaugranët.

“Në aspektin e lojës, Barcelona është më e fortë. Mirëpo, nëse e merr parasysh organizimin, taktikat dhe sulmet nga ndërprerjet, atëherë Chelsea është më e mirë”.

“Ndaj Barcelonës, Chelsea luajti ashtu si e pati të nevojshme ndaj një skuadre si Barcelona, ndërsa në Munih do të kenë një qasje defensive, me një ekip të organizuar mirë dhe kompakt. Do të jetë shumë vështirë për ne”, ka thënë francezi për Kicker.

Category: Futboll