Zeman trajneri i ri i Romës?

Presidenti i Pescaras, Daniele Sebastiani, ka zbuluar se trajneri Zdenek Zeman do të largohet nga klubi këtë verë për të marrë nën drejtim Romën.

Giallorossët ishin në treg për një trajner të ri për shkak të largimit të Luis Enrique, dhe tash duket se kanë gjetur zëvendësimin e duhur në 65-vjeçarin.

“Zeman do të shkojë te Roma. Gjithçka është vendosur. Kërkesa e Romës ishte shumë e fuqishme që ai të largohet”.

“Ne gjithmonë do të kemi raporte të mira me të. Zdenek ka lidhje të ngushta me qytetin, dhe gjithmonë do të jetë në zemrën e Pescaras”.

“Ne nuk mund ta mbanim atë këtu. Ai ka shumë joshje për qytetin e Romës, dhe për klubin e Romës në veçanti. Zgjidhja e tij ishte e pashmangshme”, ka thënë Sabastiani.

Category: Futboll