AVB: Nuk dua të drejtoj kombëtare

Ish-menaxheri i Chelseat, Andre Villas-Boas, ka hedhur poshtë mundësinë e marrjes në drejtim të ndonjë ekipi kombëtar.

34-vjeçari aktualisht është i papunë pasi u shkarkua nga Chelsea në mars, pas një serie të rezultateve të dobëta, por thotë se nuk do të pranonte asnjë ofertë për të drejtuar ndonjë kombëtare, pasi më shumë preferon angazhimin ditor.

“Jam më shumë i joshur nga puna në klub dhe nga seancat ditore stërvitore. Nuk është pjesë e ambicieve të mia të drejtoj ndonjë ekip kombëtar, por kjo mund të ndodhë ndonjë ditë”.

“Me përgatitje dhe me një projekt të qëlluar, diçka e veçantë mund të bëhet. Por për momentin, kjo nuk është pjesë e planeve të mia për të ardhmen”, ka thënë Villas-Boas.

Category: Futboll