Pele: Maradona nuk më urren

Legjenda braziliane, Pele, ka mohuar ekzistimin e një armiqësie mes tij dhe të madhit të Argjentinës, Diego Maradona, duke thënë se ata kanë raporte të mira.

Dy ish-lojtarët e kanë sulmuar njëri-tjetrin disa herë verbalisht gjatë deklaratave mediatike, mirëpo braziliani thotë se gjithçka është një lojë.

“Dieguito më do. Ne tallemi shumë me njëri-tjetrin, është e gjitha një lojë. Raportet janë të shkëlqyera”, ka thënë Pele.

Pele e ka ngritur tri herë trofeun e Kupës së Botës (1958, 1962 dhe 1970), ndërsa gjatë karrierës së tij ka shënuar 1281 gola në 1363 ndeshje.

Category: Futboll