Podolski: Ronaldo, tepër i pa rrezikshëm

Sulmuesi i Gjermanisë, Lukas Podolski, mendon se Die Manschaft do ta mposhtë Portugalinë me rezultat 2-0 dhe se Cristiano Ronaldo në këtë takim do të jetë totalisht jo efektiv.

Sulmuesi portugez ka folur gjatë javës për gjasat e kombëtares së tij për ta mposhtur Gjermaninë, duke shpresuar që një gjë e tillë të ndodhë, por edhe këto pak shpresa ia ka këputur Podolski.

“Çfarë Ronaldo po planifikon për të shtunën, nuk është me rëndësi. Ai është një prej lojtarëve më të mirë në botë, por ne kemi bërë mirë në ndeshjet e fundit ndaj Portugalisë. Ne do ta pengojmë atë në mënyrë agresive, do ta ndalim me duele të ashpra”.

“Një gjë është e qartë: ne kemi mjaft lojtarë dhe atë me potencial të lartë. Gjermania do të fitojë me rezultat 2:0”, ka deklaruar Podolski.

Gjermania ndeshet me Portugalinë të shtunën me fillim nga ora 20:45.

Category: Euro 2012