Cazorla i ngazëllyer me transferimin te Arsenali

Përforcimi i ri i Arsenalit, Santi Cazorla, thotë se ai është i ngazëllyer që do të luajë te njëri prej klubeve më të mëdha evropiane.

Spanjolli sot kompletoi transferimin e tij te Arsenali nga Malaga për një shumë e cila raportohet të jetë në vlerën e 18 milionë funteve.

“Jam shumë i lumtur që i bashkohem Arsenalit. Ky është një klub me lojtarë të mëdhenj, me një stadium fantastik dhe një mbështetje të madhe. Klubi ka njërin prej menaxherëve më të mirë të futbollit dhe stili i tyre i lojës është i njohur dhe i admiruar kudo në botë”.

“Po ashtu jam i ngazëllyer që i bashkohem një prej skuadrave më të mëdha në Evropë dhe po ashtu Ligës Premier. Do të jap më të mirën për të ndihmuar Arsenalin të luftojë për trofe dhe për t’i bërë tifozët të kënaqur”, është shprehur spanjolli për faqen zyrtare të Arsenalit.

Category: Futboll