Eriksson këshillon Gerrard të largohet nga Redsat

Ish-trajneri i Anglisë dhe Manchester Cityt, Sven Goran Eriksson, thotë se Steven Gerrard duhet të largohet nga Liverpooli nëse dëshiron ta fitojë Ligën Premier. Eriksson e di se kapiteni i Redsave nuk do ta plotësojë ëndrrën e tij me skuadrën e tashme.

“Steven duhet ta ndërrojë klubin nëse dëshiron ta fitojë Ligën Premier. Steven Gerrard është zotëri Liverpooli dhe ai e ka fituar Ligën e Kampionëve, Kupën FA, Superkupën dhe Kupën e Ligës me ta”.

“Pyetja është nëse ai do ta fitojë ndonjëherë Ligën Premier? Siç duken gjërat tash, absolutisht jo. Shumë gjëra kanë ndryshuar te Liverpool që kjo të ndodhë. Pronarët kanë dhënë më shumë para për të blerë lojtarët e duhur”.

“Andy Carroll dhe Stewart Downing kanë qenë nënshkrime të shtrenjta, por nuk kanë qenë sukses. Kur shoh në ekipin e tyre, kam parë vetëm tre lojtarë të klasit - Gerrard, Pepe Reina dhe Luis Suarez”, ka thënë Eriksson.